O programa integrado de emprego da Mancomunidade do Salnés, que cumpre dez anos, tivo unha década de éxitos. Desde o ano 2011 impartíronse a través deste programa 270 accións formativas (unha media de 30 cursos por ano) e celebráronse 3.500 sesións de orientación.
Un programa formativo que, coas cifras sobre a mesa, ten demostrado un notable éxito na inserción_laboral dos seus participantes ao longo dunha década -máis dun 90% na pasada edición- tras un investimento global de 2,4 millóns de euros entre a Xunta de Galicia e as aportacións municipais dende o seu inicio no ano 2011.
Son os datos que expresaban con satisfacción a presidenta da Mancomunidade, Marta Giráldez. Alcaldesa de Meis. , o vicepresidente, Carlos Iglesias, o xerente da entidade, Ramón Guinarte, e a directora xeral de Formación e Colocación da Xunta de Galicia , Zeltia Lado, acompañados do delegado territorial, Luís López.
Ademais, os participantes desenvolveron as súas prácticas en ata 700 empresas da comarca, pero o máis importante é que unha media do 70% dos seus rexistrados conseguiron un posto de traballo cada ano. Agora arrinca un novo plan (financiado pola Consellería de Emprego e Igualdade con 250.000 euros e cofinanciado pola mancomunidade con 40.697,68 euros)
Noticia completa en:
