FORMACIÓN

A Comarca do Salnés é cada ano o destino elexido  de milleiros de turistas. A combinación de : clima, riqueza biolóxica, diversidade de recursos naturais, gastronomía, festividades … fan do Salnés o lugar ideal para a desconexión. A súa fama, nacionalmente extendida, é  en gran parte grazas á labor de comercialización realizada e a posta en marcha de accións tan importantes coma as xestionadas pola  Mancomunidade do Salnés quen desenvolveu un Plan de Excelencia Turística (para os concellos de O Grove e Sanxenxo), un Plan de Dinamización Turística (que afectou os sete concellos restantes), un Plan de continuidade (financiado polo Ministerio de Industria, Turismo  e Comercio) e de xeito anual ven asinando convenios de colaboración coa Secretaría Xeral de Turismo da Xunta de Galicia. Sen embargo e a pesar deste incremento turístico,  vense rexistrando nos últimos anos unha tasa de desemprego moi alta no sector servizos e  especialmente, na poboación moza da comarca. Isto é debido á forte estacionalidade do turismo marcada pola centralización das reservas  nos meses estivais deixando, deste xeito, a meirande parte do ano sen apenas actividade turística. Por este motivo, a Mancomunidade do Salnés pon en marcha o Programa de Emprego de “Promoción turística do Salnés”, cuxo obxectivo principal é formar ás persoas mozas para así desestacionalizar o turismo e apostar por novos modelos turísticos máis sostibles e de calidade que teñan un impacto positivo nas actividades turísticas. Deste xeito, o proxecto está a formar a 16 alumnos/as traballadores/as nas especialidades de “promoción turística local e atención ao visitante”  (8 alumnos/as) e “xestión de marketing e comunicación” (8 alumnos/as) para posteriormente inserilos no mundo laboral. O plan de formación inclúe todos os coñecementos, destrezas e experiencias que se lle pretendan transmitir ao/á alumno/a traballador/a nos diferentes módulos de formación ademáis da formación nas últimas tecnoloxías dispoñibles para a creación de recursos turísticos e audiovisuais. Os programas de emprego configúranse como programas mixto de emprego e formación que teñen por finalidade mellorar a ocupabilidade das persoas mozas desempregadas mediante a realización de obras ou prestación de servizos de interese  social que posibiliten aos alumnos obter unha cualificación profesional que favoreza a súa posterior inserción no mercado laboral.