TURISMO

Mancomunidade do Salnés

Turismo

Importancia do sector turístico para a Comarca do Salnés

Plans de Excelencia e Dinamización Turística, un instrumento de cooperación a favor do desenvolvemento turístico

Os plans de excelencia e dinamización constituíronse como uns instrumentos de planificación e xestión dos recursos turísticos, promovidos pola Administración do Estado, a partir de principios da década dos 90, mediante os que se mellorou a calidade dos destinos turísticos maduros (Plans de Excelencia) e dinamizado os destinos emerxentes (Plans de Dinamización).

Na Comarca do Salnés desenvolvéronse 2 plans:

Plan de Excelencia Turística de Sanxenxo e O Grove (PET)
Plan de Dinamización Turística do Salnés (PDT)

No que respecta a a vertente económica, o financiamiento dos plans realizábase mediante o PRINICIPIO DE CORRESPONSABILIDADE, dividindo de forma paritaria a achega entre:

Administración Central
Administración Autonómica
Administración Local

“Tratouse de mellorar o destino de forma global, incidindo en todos os aspectos e involucrando a todos os axentes que directa ou indirectamente interveñen na actividade turística. Impulsouse o papel da administración local na xestión e planificación dos espazos turísticos”.

Resultados dos plans

Impulsaron a ordenación e xestión estratéxica a nivel local
Achegaron coñecemento exhaustivo do destino
Contribuíron á coordinación entre administracións públicas de diferentes niveis
Incentivaron a participación do sector privado en proxectos expostos polo sector público en materia de turismo
Introduciron a cultura de calidade
Permitiron renovar o destino e mellorar a súa imaxe

Plans de continuidade do PDT O Salnés

O sector turístico supón unha importante fonte de riqueza para a comarca de O Salnés, por iso resultaba necesario seguir contando co apoio das Administracións públicas e o sector privado co fin de darlle continuidade aos logros conseguidos e ofrecerlle aos turistas a Comarca de O Salnés como un destino turístico:

Maduro
Consolidado
Innovador
De Alta Calidade

O Salnés xa contaba con importantes posibilidades de desenvolvemento como destino maduro, cunha gran diversidade na oferta de productos turísticos, pois polas súas características pode ofrecer ó longo de todo o ano unha oferta complementaria o modelo de Sol e Praia; centrando as súas accións especialmente en ámbitos como a gastronomía, cultura, medioambiente, naútico….

Nos últimos anos, foi esta unha das frontes de loita dos diferentes concellos que conforman esta comarca, tratando de impulsar o desenvolvemento desde sector a través da mellora da calidade da oferta, o incremento da súa diversificación, a optimización dos sistemas de promoción, entre outras actuación. Procurando á vez, a tan ansiada DESESTACIONALIZACIÓN do noso sector turístico.

Co inicio do Plan de Continuidade a Mancomunidade de O Salnés comeza a súa forte aposta polas novas tecnoloxías no turismo, dando lugar O SALNÉS A MEDIDA, que se plantexa como un produto basado en novas tencoloxías que utilizará como soporte técnico o portal www.osalnes.com, e que permitirá que as persoas interesadas en visitar o Salnés obteñan unha proposta de paquetes turísticos a medida, en base aos gustos que se vaian sinalando.

Leváronse a cabo estratexias de marketing para a promoción do destino O Salnés e o produto gastronómico AS COCIÑAS DO SALNÉS.

Áreas de actuación

promoción e dinamización

Deseño e execución de proxectos de promoción e dinamización turística (folletos, redes sociais, páxina web, organización de eventos, merchandising, etc.), que poñan en valor os recursos turísticos do Salnés.